ІІ Пікнік пазаўрадавых арганізацый Бельска Падляшскага
Пазаўрадавыя арганізацыі Бельска Падляшскага прэзентаваліся ў час мерапрыемства “Пікнік пазаўрадавых арганізацый”. У горадзе дзейнічае амаль 50 такога кшталту аб’яднанняў, саюзаў ды клубаў. “Пра большасць арганізацый жыхары нават не ведаюць, а гэты пікнік – цудоўная нагода шырэй выйсці да грамадства,” – кажа бургамістр Бельска Падляшскага Яраслаў Бароўскі:
-У нас у горадзе ёсць шмат арганізацый. Адныя больш актыўна ўдзельнічаюць у жыцці горада, другія – менш актыўна. Гэта такая магчымасць, калі пазаўрадавыя арганізацыі ў адным месцы сустракаюцца і паказваюць свае ідэі, дасягненні, планы, якія хочуць рэалізаваць. Гэта добрае месца, каб з імі сустрэцца, пагаварыць. Але думаю, што ёсць і такія арганізацыі, якія не хочуць выходзіць да іншых людзей, маюць сваё асяроддзе, у якім ім добра.
“Пікнік пазаўрадавых арганізацый” прайшоў у Бельску Падляшскім другі раз.
У кастрычніку ўправай горада будзе выдадзены каталог бельскіх пазаўрадавых арганізацый.
[Not a valid template]
Давід Гайко, Беларускае Радыё Рацыя, Бельск Падляшскі
Фота аўтара
Глядзіце таксама
