ІПН яшчэ раз разгледзіць справу Браніслава Тарашкевіча
«Да гэтай пары невядомыя падрабязнасці ў справе магчымай сустрэчы польскіх і беларускіх гісторыкаў па пытанні дэкамунізацыі вуліцы Браніслава Тарашкевіча ў Бельску Падляшскім», — такі адказ атрымала Радыё Рацыя з Інстытуту нацыянальнай памяці ў Варшаве.
«Справа ўшанавання Браніслава Тарашкевіча будзе прадметам чарговага аналізу адпаведных аддзяленняў Інстытута нацыянальнай памяці», — паведаміў адказны за сувязі з грамадствам ІПН Ярослаў Тэнсёровскі.
Радыё Рацыя звярнулася з запытам ў ІПН наконт тэрміну сустрэчы польскіх і беларускіх гісторыкаў пра якую ў сярэдзіне лістапада падчас візіту ў Гародню паведаміў старшыня Інстытуту нацыянальнай памяці Яраслаў Шарэк.
Прозвішча палітыка і мовазнаўцы Браніслава Тарашкевіча можа знікнуць з назвы вуліцы ў Бельску Падляшскім ў сувязі з дэкамунізацыяй, пасля таго як адпаведная камісія ІПН пад кіраўніцтвам доктара Мацея Коркуця прызнала што Браніслаў Тарашкевіч з’яўляецца сімвалам камуністычнага рэжыму.
Беларускае гістарычнае таварыства накіравала адкрыты ліст да уладаў Польшчы ў абарону імя і годнасці Браніслава Тарашкевіча.
Валянціна Лаеўская, Беларускае Радыё Рацыя
Глядзіце таксама
