„Карчма пад саколам” – найлепшая на Падляшшы
„Карчма пад саколам” не толькі прапануе мясцовыя стравы, але заахвочвае да спазнання гісторыі сакольскай кухні.
„Карчма пад саколам” сям’і Анцыпаў у конкурсе, арганізаваным „Кулінарнай Акадэміяй”, стала самым лепшым рэстаранам на Падляшшы.
На думку Яна Анцыпы, гэта сялянская ежа стала козырам папулярнага рэстарана:
– Так дзяды нашы рабілі, і я працягваю гэтую традыцыю. Усё мусіць быць так, як было раней.
Гаспадар карчмы Лукаш Анцыпа:
– Усе стравы, якія ёсць у меню, нясуць частку нашай гісторыі. Яны базуюцца на мясцовых прадуктах, якія бяром з бліжэйшых мясцовасцей, і ўсім тым, чым багатае нашае Падляшша.
Сям’я Анцыпаў вядомая таксама вырабам кумпякоў, якія былі традыцыйнай ядой на тэрыторыі Вялікага Княства Літоўскага.
Сакольскі кумпяк не толькі даступны ў самых лепшых рэстаранах ва ўсёй Польшчы, але таксама прадукт трапіў да кулінарнай тэлепраграмы Hell’s Kitchen.
Уля Шубзда, БеларускаРадыё Рацыя
Фота аўтара
