“Казкі з чыстай карткі”
З публікацыяй пад такім назовам 23 студзеня змогуць пазнаёміцца жыхары Гайнаўкі. Публікацыя – гэта збор казак, якія вязні польскіх турмаў пісалі сваім дзецям, а пасля даслалі на конкурс, які ладзіць фонд “Яны гэта мы”. Падчас гайнаўскай сустрэчы будзе таксама прадстаўленая радыёпастаноўка гэтых казак. Кажа старшыня фонду “Яны гэта мы” Наталля Герасімюк.
– У публікацыю ўваходзяць 18 казак. Гэта казкі-пераможцы конкурсаў 2013 і 2014 гадоў. Побач з такой кніжнай публікацыяй выйшла таксама публікацыя ў форме дыска, дзе створаны і начытаны вязнямі радыёпастаноўкі, а таксама казкі для дзяцей.
Публікацыя “Казкі з чыстай карткі” – гэта вынік праекта “Апошні паварот”, які фонд “Яны гэта мы” ладзіць супольна з гайнаўскім следчым ізалятарам. Прэзентацыя публікацыі адбудзецца сёння а 17-ай гадзіне ў гарадской бібліятэцы ў Гайнаўцы.
Анна Шайкоўская, Беларускае Радыё Рацыя
Глядзіце таксама
