Хакеры паведамілі пра анексію Калінінграда на сайце Літоўскага войска
На сайце Злучанага штаба Літоўскага войска ў сераду з’явілася інфармацыя пра тое, што манеўры „Удар мяча”, якія праходзяць у краінах Балтыі і Польшчы ў чэрвені, накіраваныя на падрыхтоўку анексіі Калініградскай вобласці, паведаміў у чацвер партал Delfi.lt.
Паведамленне ўжо выдалена з сайта ведамства. Прэс-сакратар Мінабароны Літвы Вікторыя Цемінітэ распавяла Delfi, што аналітыкі Нацыянальнага цэнтра кібербяспекі пачалі расследаванне ўзлому сайта.
У літоўскім вайсковым ведамстве таксама распавялі, што паслугі сервера прадастаўляе прыватная кампанія. Яна таксама адказвае за бяспеку дадзеных на ім.
Манеўры „Удар мяча” пачаліся 1 чэрвеня ў краінах Балтыі і Польшчы. У іх, як паведамляецца, прымаюць удзел вайскоўцы з 13 краін НАТА – ўсяго каля 6000 чалавек.
