Хутка пачнецца будаўніцтва падляшскай часткі дарогі S-19
Прадстаўнікі мясцовай улады сустрэліся ў Бельску-Падляшскім з Паўлам Альшэўскім – сакратаром Міністэрства інфраструктуры і развіцця Польшчы.
Тут быў агучаны пачатак інвестыцыі – пабудовы падляшскай часткі дарогі хуткага руху S-19, якая спалучыць Беласток і Люблін. Па словах Паўла Альшэўскага, “S-19 у падляшскім ваяводтве – гэта ўжо факт”:
-Найпазней 22 кастрычніка абвесцім аўкцыён. De facto пачынаем інвестыцыйны працэс, гаворачы прасцей, зваротнай дарогі ў нас ужо няма.
Плануецца, што участак дарогі S-19 з Любліна, а ў прыватнасці, з Любартава ў Беласток – праз Бельск-Падляшскі ды Сямятычы – даўжынёй амаль 216 кіламетраў, пабудюць да 2024-га году.
Давід Гайко, Беларускае Радыё Рацыя
Фота аўтара
