“Расспяваная нядзеля” ў Кляшчэлях (абноўлена)
Сёння пройдзе трэці, галоўны дзень святкавання Дзён Кляшчэль, што на Падляшшы. У 16 гадзін на пляцоўцы каля Гарадскога асяродка культуры, спорту і рэкрэацыі пачнецца канцэрт “Расспяваная нядзеля”.
“У праграме шмат беларускіх калектываў”, – кажа Марэк Скамароўскі з Гарадскога асяродка культуры, спорту і рэкрэацыі ў Кляшчэлях:
– З Беларусі будзе гурт “Белы Птах”, будзе “Заранак”, “Omorfos” сямятыцкі, будзе “Kapela Podlaska”. Да нас прыедзе Барбара Дроздзіньска з Лодзі, “Mażoretki” з Гайнаўскага дома культуры, “Narwianiе” з Добжынева.
Адным з пунктаў праграмы будзе падвядзенне конкурсу на самы прыгожы панадворак у гміне. Вечарыну завершыць беларускі калектыў з Падляшша “Аs”.
* * *
Узнагароджаннем пар за пяцьдзесят гадоў сужонства пачаліся Дні Кляшчэль, што на Падляшшы. Сёння дзень накіраваны на моладзь – пройдзе шмат спартыўных спаборніцтваў ды на пляцоўцы ля Гарадскога асяродка культуры, спорту і рэкрэацыі ўвечары, ад 19 гадзіны забава з калектывамі “Narva” і “Dekader”.
“Кляшчэлі чакаюць на гэтае свята ўвесь год”, – кажа бурмістр Кляшчэль Ірэна Негереэвіч:
– Такая склалася традыцыя, шт ўшаноўваем пары, які пражылі разам пяцьдзесят гадоў. І гэта яшчэ добрая нагода, каб сабрацца ўсёй сям’ёй. І яшчэ – кожны знойдзе тут музычныя творы па сваім гусце.
Заўтра, у нядзелю 27 ліпенея трэці, галоўны дзень свята. Ад 16 гадзіны пачнецца “Расспяваная Нядзеля”.
Выступіць шмат калектываў, у тым ліку і “Заранак” і “Белы Птах” з Беларусі. Арганізатарам XVIIІ Дзён Кляшчэль выступае Бургомістр Кляшчэль.
[Not a valid template]
Давід Гайко, Беларускае Радыё Рацыя
