Конкурсныя праслухоўванні ў рамках фестываля царкоўнай музыкі „Гайнаўка-2015”
Пачаліся конкурсныя праслухоўванні міжнароднага фестываля царкоўнай музыкі „Гайнаўка-2015”. У зале Беластоцкай філармоніі выступілі хоры з Беларусі, Украіны, Расеі і Польшчы. У катэгорыі прыхадскіх хораў выступіў між іншым хор царквы Раства Прасвятой Багародзіцы з Оршы.
Алена Ларыёненка: Царкоўная музыка – гэта стан душы. Свецкая музыка больш простая для ўспрыяцця. А да царкоўных песнапенняў трэба прыйсці. Нават прафесіяналам адразу праспяваць царкоўны твор складана ў сэнсе ягонага разумення.
Катвіцкая Рэгіна, кіраўніца ўзорнага канцэртнага хору: Вельмі прэстыжны конкурс – 34 па ліку, гэта ўжо пра нешта гаворыць. Тут захаваныя традыцыі. Хочацца паспрабаваць свае сілы, праверыць, наколькі мы зможам гэтую гару пакарыць.
Odtwarzacz plików dźwiękowych
Сёння, 22 траўня, другі дзень конкурсных праслухоўванняў. Выступяць два беларускія хоры – дзіцячы з Воршы і хор “Раніца” з Менска. Пачатак а 16-й у зале філармоніі па вуліцы Падлеснай.
Лукаш Леанюк, Беларускае Радыё Рацыя, Беласток
Глядзіце таксама
