Літва не выключае, што перавозкай нелегалаў займаюцца ўлады Беларусі
Міністр унутраных спраў Літвы Агне Білатайтэ заявіла, што ў Літвы ёсць доказы таго, што ўлады Беларусі і пагранічнікі замешаныя ў арганізацыі адпраўкі нелегалаў у Еўразвяз.
“Гэта арганізаваная дзейнасць, пэўная схема – добра арганізаваная, спланаваная. Гэта вялікія грошы, бо перавозка аднаго чалавека каштуе каля 15-ці тысяч даляраў. Гэта відавочна прыбытковае злачынства з удзелам рэжыму і саміх чыноўнікаў”, – кажа Агне Білатайтэ.
Цяпер мігрантаў дапытваюць, таксама ідзе аператыўная разведка. У большасці нелегалы прадстаўляюцца грамадзянамі Ірака, але таксама краін Афрыкі, Сірыі і Індыі. Сёлета літоўцы ўжо выявілі 555 нелегальных мігрантаў, якія ідуць з Беларусі. У мінулым годзе – толькі каля 80-ці.
Беларускае Радыё Рацыя
Фота: mtdata.ru
Глядзіце таксама
