Літва пабудуе лагер для беларускіх уцекачоў
Літва збіраецца пабудаваць лагер для бежанцаў з Беларусі. Сёлета ў краіну прыбылі каля 300 мігрантаў з Ірака і Беларусі, піша korrespondent.net.
Літва пабудуе лагер для ўцекачоў з Беларусі на 350 чалавек у цэнтры рэгістрацыі замежнікаў (URC) у Пабрадзе. Пра гэта паведамляе LRT ў пятніцу, 11 чэрвеня.
Так улады Літвы хочуць кантраляваць наплыў нелегальных мігрантаў з Беларусі. Цяпер Цэнтр рэгістрацыі іншаземцаў выкарыстоўваецца для размяшчэння мігрантаў без дакументаў, што просяць прытулку.
Кіраўнік URC Аляксандрас Кіславас падкрэсліў, што хоць лагер для бежанцаў — не тое ж самае, што звычайнае жыллё, але людзі будуць забяспечаны ў ім усімі неабходнымі выгодамі.
„Гэтыя палаткі, вядома, не маюць нічога агульнага з турыстычнымі намётамі. Гэта сучасныя палаткі з вентыляцыяй, з сістэмай кандыцыянавання, ацяплення”, — растлумачыў Кіславас.
Таксама некаторых уцекачоў будуць размяшчаць у звычайных жылых памяшканнях.
„Выбар жылля будзе залежаць ад уразлівасці замежнікаў, што прыбываюць, ці гэта будуць адзінокія людзі, сем’і з дзецьмі або маці-адзіночкі. І мы думаем, што пражыванне ў намётах будзе прапанавана адзінокім людзям”, — дадаў Кіславас.
Улады Літвы мяркуюць, што сітуацыя ў Мінску можа спрыяць незаконнай міграцыі з Беларусі. Паводле звестак літоўскіх памежнікаў, каля 300 мігрантаў з Ірака і Беларусі прыбылі ў Літву сёлета.
