Малебен па-беларуску за вучняў, настаўнікаў і бацькоў (абноўлена)
У Беластоку адбыўся беларускамоўны малебен з нагоды завяршэння навучальнага года.
У царкве Святага Юрыя сабраліся дашкольнікі, школьнікі, гімназісты і ліцэісты беластоцкіх школ. У малебне прысутнічалі настаўнікі беларускай мовы. За поспехі ў вучобе сваіх дзяцей маліліся таксама бацькі навучэнцаў.
– Гэта быў працавіты і цяжкі год. Думаю, варта падзякаваць Богу за тое, што мы яго так цудоўна перайшлі.
– Я хачу падзякаваць за тое, што ўсё, што мы хацелі зрабіць у гэтым годзе, атрымалася.
– Вядома, за нашых дзетак молімся. Мая дачка ў Палітэхніцы вучыцца на магістра. І я прыйшоў памаліцца, каб у яе ўсё добра атрымалася.
Малебен па-беларуску за дзяцей, іх бацькоў і настаўнікаў адслужыў айцец Рыгор Місіюк. На канец ўсе прысутныя традыцыйна ўжо праспявалі песню “Магутны Божа”.
Уля Шубзда, Беларускае Радыё Рацыя, Беласток
Фота аўтаркі
* * *
У царкве святога Юрыя ў Беластоку ўжо традыцыйна адбудзецца малебен па-беларуску за вучняў, настаўнікаў і бацькоў. Аб’яднанне ў карысць дзяцей і моладзі, якія вывучаюць беларускую мову, “АБ-БА” запрааше прыняць удзел у ім усіх ахвотных. Кажа Тамара Карнілюк, сябра аб’яднання:
– Усіх ахвотных запрашаем на малебен, які арганізуем звычайна на пачатак навучальнага года і на канец. Штогод малебен праходзіць у парафіі на Новым Месце ў айца Місіюка.
Малебен па-беларуску за вучняў, настаўнікаў і бацькоў, ініцыяваны Аб’яднаннем у карысць дзяцей і моладзі, якія вывучаюць беларускую мову, “АБ-БА”, пачнецца 11 чэрвеня ў 17.30 у Святаюр’еўскай царкве ў Беластоку на новым месце.
Анна Шайкоўская, Беларускае Радыё Рацыя
Глядзіце таксама
