Марш салідарнасці з беларускімі рабочымі ў Беластоку (абноўлена)
Ва ўмовах, калі ціск на працоўных Беларусі павялічваецца, калі штодзённа адбываюцца затрыманні актывістаў на заводах і буйных прадпрыемствах, у Беластоку прайшоў Марш у падтрымку Беларускага аб’яднання рабочых і ўсеагульнага страйку ў Беларусі.
Выступіў Сяргей Дылеўскі.
Скандуюць „Жыве Беларусь!” І антыдыктатарскія лозунгі.
Панеслі вялізны нацыянальны сцяг.
Марш ідзе цэнтральнымі вуліцамі Беластоку ў суправаджэнні паліцыі.
Адзін з лозунгаў: „Nie ma wolności bez solidarności!”
Шэсце дайшло да вуліцы Электрычнай, дзе знаходзіцца Генконсульства Рэспублікі Беларусь.
Пад консульствам выступіў Сяргей Дылеўскі, гучалі песні, у тым ліку „Воіны святла”.
Выступіў вядомы гарадзенскі актор Сяргей Курыленка, які моцна прамовіў пра салідарнасць.
Ён быў адным з тых, хто летась на знак супраць гвалту звольніўся з Гарадзенскага абласнога тэатру.
Марш пачаўся а 16:00 каля помніку Пілсудскаму, прайшоў па цэнтральных вуліцах Беластока і завяршыўся каля Генеральнага консульства Рэспублікі Беларусь у Беластоку.
Агулам акцыя доўжылася 1 гадзіну і 15 хвілін.
Беларускае Радыё Рацыя
Фота Ладзіка Майніча
