„Маёвыя сустрэчы ў Шчытах”
“Гэта нагода да інтэграцыі маладога і старэйшага пакаленняў беларусаў пры песні і музыцы,” – кажа Ігар Лукашук – арганізатар “Маёвых сустрэчаў у Шчытах”. Цыклічная імпрэза, у час якой выступаюць дашкольнікі, моладзевыя групы, а таксама дасведчаныя фальклорныя калектывы, сёлета супала са святам патрона вёскі Святога Мікалая, як адзначае Ігар Лукашук:
– У гэтым годзе атрымалася так, што ў нядзелю маем таксама свята ў вёсцы, у Шчытах. І прыемна, што ўся вёска святкуе разам з намі.
– Вельмі добра, шмат людзей, весела. Цікава паглядзець, адмыслова прыехалі сюды.
– Мэта імпрэзы – сустрэцца ў нядзелю пры музыцы, сямейна правесці час, пагаварыць па-беларуску.
У час “Маёвых сустрэчаў у Шчытах” выступілі калектывы рознага ўзросту. Музычныя групы падрыхтавалі таксама традыцыйныя стравы, якія ацэньвала адмысловае журы.
Мерапрыемства трэці раз арганізуе Цэнтр адукацыі і прамоцыі беларускай культуры ў Шчытах-Дзенцялове “Шчыты-Звяз”.
[Not a valid template]
Лукаш Леанюк, Беларускае Радыё Рацыя, Беласток
Фота аўтара
Глядзіце таксама
