Міхал Грэсь: Быць беларусам – гэта адвечны трэнд
У Польшчы праводзіцца Нацыянальны перапіс насельніцтва і жытла па стане на 2021 год.
Аб важнасці пазначаць сябе беларусамі падчас перапісу разважае культурніцкі дзеяч Падляшша Міхась Грэсь:
– Гэта такі цяжкі час для беларусаў, таму што вясковыя людзі не атаясамліваюць сябе з беларускасцю, а ў горадзе яшчэ не пачалі цаніць беларускасць як якасці прадукту, як брэнд. Таму гэты перапіс насельніцтва, мне падаецца, не будзе адэкватны да рэчаіснасці. Я ўсё ж такі спадзяюся, што за гадоў 10 мы будзем мець большы адсотак задэклараваных беларусаў у чарговых перапісах насельніцтва.
Прыняць непасрэдны ўдзел у Нацыянальным перапісе насельніцтва і жытла можна на афіцыйным сайце перапісу.
Вольга Сямашка, Беларускае Радыё Рацыя
Фота: Urząd Statystyczny w Białymstoku
Глядзіце таксама
