N.R.M. зладзіць у Варшаве свой першы за апошнія 15 год канцэрт
Беларускі рок-гурт N.R.M. зладзіць у Варшаве свой першы за апошнія 15 год канцэрт.
“Мы шмат гралі ў розных гарадах Польшчы, на буйных фэстах, але менавіта да Варшавы неяк не даходзіла”, – распавядае лідар калектыву Піт Паўлаў.
У праграме імпрэзы – як старыя песні, так і зусім новыя. “Такая свежасць – не выпадковая”, – працягвае музыка.
– Мы зараз якраз ставім мэтай такой адукацыйнай – навязаць новыя песні, каб не жыць мінулым. І я хачу навязаць усім дыялог пра будучыню і пра гэта скажу на канцэрце выразна.
РР: Будучыня – гэта пра пратэсты альбо будучыня – гэта пра перамогу?
– Я нашы пратэсты называю рэвалюцыяй, проста яна яшчэ не перамагла. Яна зараз знаходзіцца ў стане рэакцыі. Наша рэвалюцыя яшчэ не дасягнула канчатковай мэты, але яна дакладна дасягне. Будучыня – гэта тое, што будзе пасля перамогі.
Канцэрт гурта N.R.M. адбудзецца 25 лютага ў клубе “BeerStation Centrum” (Lwowska 17). Пачатак у 19:00.
Цалкам матэрыял слухайце ў далучаным файле:
Марына Савіцкая, Беларускае Радыё Рацыя
