На кожнага вучня – па два падручнікі беларускай мовы
Падляшская кураторыя асветы прапануе школам падручнікі да навучання беларускай мовы ў 3-м класе пачатковай школы. Новы падручнік “Кругагод” могуць атрымаць бясплатна школы, дзе вывучаецца беларуская мова. Кожнай школе належыць два асобнікі на аднаго вучня, кажа прэс-сакратар кураторыя Анна Марэк:
– Адзін экзэмпляр прадугледжаны для выкарыстання вучнем у школе, другі экземпляр вучань можа выкарыстоўваць дома. Гэта нічога не каштавала – ні вучням, ні іх бацькам.
Кніжка аўтарства Аліны Ваўранюк – настаўніцы беларускай мовы ў пачатковай школе №4 ў Беластоку.
Да кніжкі ў якасці дапаможніка далучана таксама кружэлка з песнямі, якімі могуць карыстацца настаўнікі беларускай мовы.
Лукаш Леанюк, Беларускае Радыё Рацыя
Глядзіце таксама
