На Падляшшы завяршаецца „Бардаўская восень”
На Падляшшы працягваецца юбілейны 25-ты Фестываль беларускай бардаўскай і аўтарскай песні “Бардаўская восень”. У Нарве выступіў Віктар Шалкевіч. “Рэха” і “Re1іkt” можна было пачуць у Гайнаўскім доме культуры.
“Першы наш выступ на “Бардах” – гэта 2009 год”, – кажа Уладзімір Казлоў з гурта “Re1іkt”:
– Што датычыцца Польшчы, гэта наш самы важны фэст, бо ў 2009 годзе мы яшчэ падлеткамі прыехалі паспрабаваць, што гэта такое. Патрапілі ў іншую краіну, у іншы свет увогуле, бо раней мы ніколі не выязджалі. І «Бардаўская воснь» нас сустрэла. І гэты першы крок у Польшчу быў пазітыўны, таму мы зараз заўсёды адчуваем сябе вельмі крута.
3 лістапада – другі дзень канцэртаў у Гайнаўскім доме культуры. З 17-й гадзіны пачнецца канцэрт гурта “Босае сонца”, а пасля – Віктар Шалкевіч, які раней, у 15.00, выступіць у Бельску Падляшскім з Магдалінай Маліш. У Нараўцы, у 17.00 выступіць “Рэха”.
25-ую „Бардаўскую восень” завершыць 4 лістапада ў 15.00 у Орлі канцэрт “Босага сонца” і Віктара Шалкевіча.
Давід Гайко, Беларускае Радыё Рацыя
Фота аўтара
Глядзіце таксама
