Надзея Саўчанка ўганаравана прэміяй “За свабоду”
Узнагароду перадалі сястры ўкраінскай лётчыцы падчас Глабальнага Форума ва Уроцлаве.
Больш падрабязна – наш украінскі карэспандэнт Марцін Война.
– “Надзея на зламалася і не здалася”, – сказаў падчас уганаравання амерыканскі сенатар Джын Шахін. Сенатар падкрэсліў, што Саўчанка зрабіла за кратамі для сваёй краіны куды больш, чым некаторыя на волі.
“Яна паабяцала працягнуць змаганне за сваю свабоду і за свабоду нашай дзяржавы”, – зазначыла ў адказным слове сястра гераіні Вераніка Саўчанка.
Сёлета, акрама Надзеі, прэмію “За свабоду” атрымалі сябра Украіны, былы міністр замежных спраў Швецыі Карл Більд, польская рэжысёрка Агнешка Холанд, а таксама студэнты і адміністрацыя Данецкага Нацыянальнага Універсітэта, часова эвакуяванага ў Вінніцу. Пасмяротна ўганараваны і Барыс Нямцоў.
Прэмія “За свабоду” прысуджаецца з 1957 года Міжнародным камітэтам ратавання “за надзвычайны ўнёсак асобы ў справу ратавання чалавечай годнасці і свабоды”. Сярод лаўрэатаў – Уінстан Чэрчыль, Лех Валэнса, Вацлаў Гавэл, Хамід Карзай.
Марцін Война, Беларускае Радыё Рацыя, Украіна
Фота 5.ua
Глядзіце таксама
