“Не дай злу сябе перамагчы, але перамагай зло дабром”
Мінае 30 гадоў з пакутніцкай смерці капелана “Салідарнасці”, ксяндза Ежы Папялушкі. Святар паходзіў з Падляшша, з беларускамоўнай сям’і. Быў закатаваны камуністычнымі спецслужбамі за сваю нязломную пазіцыю супраць чалавеканенавісніцкага рэжыму сацыялістычнай Польшчы.
Тысячы жыхароў Варшавы прыйшлі на Святую Імшу ў гонар ксяндза Ежы. Палявы біскуп Польскага Войска Юзэф Груздэк адзначыў, што постаць пакутніка надалей застаецца актуальнаю:
– Блаславёны ксёндз Ежы Папялушка – гэта сімвал маральнай адвагі, якая вельмі важная ў кожны час і ў кожным месцы. Трэба заўсёды супрацьстаяць злу. Хоць і прыняў пакутніцкую смерць, аднак менавіта ён у рэшце рэшт стаў пераможцам. Бо слава і сведчанне нязломнасці ксяндза Ежы Папялушкі вядомы ва ўсім свеце.
Ксёндз Ежы Папялушка прызнаны блаславёным. Сёлета ў Ватыкане пачаўся кананізацыйны працэс.
[Not a valid template]
Адам Завальня, Беларускае Радыё Рацыя, Варшава
Фота аўтара
Глядзіце таксама
