Неафіцыйны паўмарафон у Бельску Падляшскім
На Бельшчыне ды Гайнаўшчыне 3-га верасня пройдзе неафіцыйны паўмарафон. З ініцыятывай выступіў бельскі рэжысёр ды бягун Марэк Уладзіміраў.
“Ідэя неафіцыйнага паўмарафону нарадзілася пасля таго, як высветлілася, што сёлета не адбудзецца штогадовы Бельскі паўмарафон”, – кажа Марэк Улдзіміраў:
– Аказалася, што ў гэтым годзе такое мерапрыемства не адбудзецца. Я падумаў, што файна было б такім неафіцыйным бегам паказаць арганізатарам, што арганізацыя такога паўмарафона з’яўляецца вялікай справай. Варта надалей гэта ладзіць ды ініцыятывай знізу паказаць, што гэта засталося ў нас, што арганізатары робяць выдатную справу.
Пачатак неафіцыйнага паўмарафону 3 верасня а 12:00 за вёскай Відава, з боку Агароднікаў (што на Бельшчыне). Маршрут будзе пралягаць праз вёскі: Агароднікі, Лакніца, Падрэчаны, Ракавічы, Крывую, Агароднікі ды Відава. Дыстанцыя складае 21 кіламетр.
Filmowe zaproszenie
Posted by Marek Włodzimirow on Mittwoch, 12. Juli 2017
Больш падрабязнасцяў на Фэйсбуку.
Мацей Рацінеўскі, Беларускае Радыё Рацыя
