Новаўвядзенні ў ліцэі з беларускай мовай навучання
158 першакласнікаў пачынае сёння школьны год у агульнаадукацыйным ліцэі з беларускай мовай навучання ў Гайнаўцы. У гэтым годзе, у сувязі з рэформай, будуць працаваць па тры аддзелы, якія будуць вучыцца ў 3 гадовым ліцэі, ды таксама 3 класы, якія пойдуць ужо новай праграмай чатырохгадовага ліцэя.
«Гэта ставіць новыя выклікі перад настаўнікамі», – кажа дырэктар ліцэя ў Гайнаўцы Ігар Лукашук:
– Сітуацыя новая. Пара і нейкія новыя выклікі, таму што нам хочацца захаваць метады працы, якія мы выпрацавалі гадамі на аснове новага ліцэя. А гэта даволі складана, паколькі гэтая рэформа прадбачвае вяртанне да старых сістэмаў, дзе былі прафіляваныя класы. Вось мы робім усё, каб даць вучням магчымасць больш эластычна рашаць свой далейшы шлях.
Odtwarzacz plików dźwiękowych
У гэтым годзе Агульнаадукацыйны ліцэй з беларускай мовай навучання адзначае таксама 70 –годдзе існавання. Урачыстасці, прымеркаваныя да юбілею, а таксама з’езд выпускнікоў, пройдуць напрыканцы верасня.
Валянціна Лаеўская, Беларускае Радыё Рацыя
Глядзіце таксама
