Пад Бранскам знойдзеная ўнікальная пліта з гербам „Пагоня”
Гістарычны артэфакт, знойдзеныя ў Свенскім манастыры, нагадаў пра перыяд знаходжання Бранскіх зямель у складзе Вялікага Княства Літоўскага.
[youtube id=”Zip5W1uF0D0″]
Белая каменная пліта з выявай герба ВКЛ, выяўленая падчас рэстаўрацыйных работ у манастыры. Знаходка можа датавацца XIV-XV стагоддзем і не падобная ні на адзін з перш выяўленых помнікаў сярэднявечча. У тыя далёкія стагоддзя Бранская зямля амаль 150 гадоў ўваходзіла ў Літоўскае княства, аднак да гэтага дня падобных артэфактаў таго часу яшчэ не знаходзілі.
Навуковы свет ужо прызнаў унікальнасць гістарычнай знаходкі, паведамляе ВГТРК «Бранск». Даклад супрацоўніка Бранскага краязнаўчага музея Святланы Нікуліна «Сцянная пліта з выявай герба «Пагоня» з Свенскага Свята-Успенскага манастыра» быў прадстаўлены на міжнароднай канферэнцыі «Пытанні эпіграфікі».
Не выключана, што гісторыкаў і археолагаў чакаюць новыя адкрыцці на тэрыторыі манастыра.
