Падляшша ў Бела-чырвоным шэсці
У Дзень сцяга Рэспублікі Польшча, 2 траўня, праз Варшаву прайшоў маляўнічы парад. У маляўнічай працэсіі аркестры, групы рэканструкцыі, вулічныя тэатры і прадстаўнікі мясцовых аб’яднанняў ішлі побач. Там было і прадстаўніцтва Падляшскага ваяводства.
Ідэя мерапрыемства нарадзілася з неабходнасці грамадскага, патрыятычнага, радаснага свята. Арганізатары былі натхнёныя парадамі ў ЗША, ірландскімі парадамі на Дзень святога Патрыка, ці польскія ініцыятывы ў стылі парада 3 траўня або 11 лістапада.
Падляшская прэзентацыя каардынавалася Абласным асяродкам анімацыі культуры ў Беластоку.
– Удзел у шэсці дастаўляе нам велізарнае задавальненне. Гэта была выдатная магчымасць прадставіць багацце і разнастайнасць Падляшскага рэгіёну, – запэўнівае Цэзары Мелько, дырэктар WOAK. – Наша ўстанова мае вялікі досьвед арганізацыі падобных праектаў, дастаткова згадаць Парад Падляшскага ваяводства. Па сваім вопыце я ведаю, што палякі любяць такое маляўнічае, радаснае святкаванне, таму яны вельмі хочуць далучыцца да такіх ініцыятыў.
Падляшша прадстаўлялі ансамбль песні і танца „Kurpie Zielone” з Беластока, хор песні і танца „Wasiloczki” і гурт „Ranok” з Бельска-Падляшскага, Маладзёжны духавы аркестр з Суховолі і група „Pogodna Jesień” з Монек. Больш за пяць тысяч удзельнікаў прынялі ўдзел у шэсці. Яны пакінулі Тэатральную плошчу і прайшлі ад вуліцы Сенатарскай да плошчы Пілсудскага.
Мерапрыемства прайшло пад патранажам прэзідэнта Анджэя Дуды. Арганізатарам мерапрыемства быў Фонд садзейнічання развіццю польскай культуры і гісторыі ў супрацоўніцтве з Інстытутам музыкі і танца пры фінансавым садзейнічанні міністра культуры.
Паводле bialoczerwonykorowod.pl
