„Падляшская актава культур”: дзень трэці
„Падляшская актава культур” напоўніла Беласток колерамі і водарамі розных культур і народаў.
Вельмі годна сярод іншых выступоўцаў паказалі сябе артысты з Беларусі, а таксама маладыя беларусы Падляшша. Кажа кіраўнік ваяводскага асяродку анімацыі культуры Цэзарый Мелько:
– Былі два цудоўныя калектывы з Беларусі. Ансамбль народных інструментаў з Ліды, прафесійны калектыў, вельмі прыемна было бачыць, як дзеці і моладзь выконвае творы. Быў таксама калектыў „Купалінка”. Цешымся, што наладзілі добрую супрацу з філармоніяй у Менску. Таксама вельмі вельмі ўражаны выступам калектыву „Падляшскі вянок”.
27 ліпеня будзе больш танцавальная праграма, выступяць калектывы з Літвы, Гішпаніі, Грузіі, Украіны, а завяршаюць чацвёрты фестывальны дзень беластоцкія „Kurpie Zielone”. Пачатак а 17.
Мілана Вераснёва, Беларускае Радыё Рацыя
Глядзіце таксама
