Падляшскі музей у Беластоку стане багацейшым (абноўлена)
Падляшскі музей у Беластоку – яшчэ адна ўстанова, якой кіруе Міністэрства культуры і нацыянальнай спадчыны.
Пагадненне аб кіраванні Музеем Падляшша ў якасці сумеснай установы было падпісана ў аўторак (17.12) віцэ-прэм’ерам і міністрам культуры Пятром Глінскім, маршалкам Падляшскага ваяводства Артурам Касіцкім і чальцом Управы Падляшскага ваяводства Марэкам Маліноўскім. Паводле дзесяцігадовага пагаднення, якое ўступіць у сілу з 1 студзеня 2020 года, Міністэрства штогод выдзяляе 1 мільён злотых субсідыі Музею Падляшша. Мінімальная гадавая субсідыя з бюджэту ўрада ваяводства складзе 7 мільёнаў злотых.
Цырымонія падпісання дагавора аб сумесным кіраванні Музеем Падляшша адбылася ў штаб-кватэры Міністэрства культуры і нацыянальнай спадчыны ў Варшаве.
* * *
Падляшскі музей пяройдзе пад частковае кіраўніцтва Міністэрства культуры і нацыянальнай спадчыны. Сёння, 17 снежня, у Варшаве будзе падпісаная адпаведная дамова.
Ва ўрачыстасці возьмуць удзел: міністр культуры Пётр Глінскі, маршалак Падляшскага ваяводства Артур Касіцкі, чалец Управы Падляшскага ваяводства Марэк Маліноўскі, і дырэктар Падляшскага музея ў Беластоку Анджэй Ляхоўскі.
Такім чынам пасля падпісання дамовы Падляшскім музеем будзе кіраваць не толькі маршалак Падляшскага ваяводства, але і міністр культуры. Між іншым, гэта азначае, што бюджэт пляцоўкі вырасце на адзін мільён злотых за кошт штогадовай датацыі з Міністэрства.
Беларускае Радыё Рацыя
Глядзіце таксама
