Падляшскія службы ліквідавалі схованку кантрабанды
14 гадоў таму
Супрацоўнікі Нацыянальнай падатковай адміністрацыі (KAS) з Беластока канфіскавалі амаль 1700 пачак нелегальных цыгарэт і 46 літраў кантрабанднага алкаголю.
Кажа прадстаўнік прэс-службы адміністрацыі Мацей Чарнэцкі:
– Падчас агляду будынкаў супрацоўнікі знайшлі 1697 пачакаў цыгарэт з беларускімі акцызамі. Таксама 46 літраў кантрабанднага алкаголю. Цыгарэты і бутэлькі з гарэлкай знаходзіліся ў шафках у некалькіх пакоях дому. 23-гадовы мужчына прызнаўся ў захоўванні кантрабанды.
Мужчыну, у якога знайшлі нелегальны тавар, прад’яўленае абвінавачанне паводле артыкула крымінальна-падатковага кодэкса. Яму пагражае штраф.
Беларускае Радыё Рацыя
Фота: podlaskie.kas.gov.pl
