Падляшскія татары могуць прыняць мігрантаў з Усходу
Падляшскія татары хочуць дапамагчы мігрантам ды ўцекачам, якія масава прыбываюць у Еўропу.
Паводле старшыні ўправы мусульманскай абшчыны ў Багоніках Мацея Шчэнсновіча, татары могуць прыняць некалькі дзясяткаў мігрантаў.
Багоніцкая абшчына прапануе два гектары зямлі, дзе можна паставіць баракі для ўцякачоў з Блізкага Усходу, дадае старшыня абшчыны:
– Калі польскі ўрад звернецца па дапамогу і дапаможа нам ва ўтрыманні, бо трэба забяспечыць быт для такіх людзей, калі польскі ўрад дапаможа, то не пытанне, і хрысціян, і мусульманаў, і габрэяў, мы адкрытыя да ўсіх людзей.
Польшча мае прыняць у бліжэйшы час каля 9-ці тысяч мігрантаў ды ўцекачоў з Блізкага Усходу.
Лукаш Леанюк, Беларускае Радыё Рацыя
