Партыя «Разам» ушанавала памяць закатаваных вазакоў
Партыя «Разам» ушанавала памяць закатаваных ля Пухалаў Старых вазакоў. 31 студзеня маладыя людзі прыйшлі да помніка ў Бельску Падляшскім, прынеслі вянок і запалілі знічы. Гэта бадай адзіная дэлегацыя, якая ў 71-ую гадавіну прыйшла да магілы бязвінна закатаваных беларусаў.
– Гэта сімвалічны і рэальны жэст у 71-ую гадавіну.
– Я лічу, што як каталік павінен тут быць. Некалькі дзён таму мы былі ў Заляшанах, і мне падаецца абсалютна непрымальным тое, што не было там прадстаўніка Каталіцкай Царквы.
– Гэта першая рэч – прыехаць сюды, паставіць ім свечку, ускласці вянок.
– Шкода, што не можам пабачыць тут афіцыйных урачыстасцяў. Хіба, не хапіла ўяўлення ў мясцовых уладаў. Але мы робім усё, што можам.
Помнік вазакоў быў адкрыты ў Бельску Падляшскім толькі ў кастрычніку 2002 года. Магіла вазакоў знаходзіцца там з 1997 года. 30 вазакоў былі закатаваныя аддзелам польскага ўзброенага падполля пад камандаваннем Рамуальда Райса “Бурага” 31 студзеня 1946 года ў лесе ля Пухалаў Старых.
Валянціна Лаеўская, Беларускае Радыё Рацыя
Фота: Razem Podlaskie
