Польшча мае прыняць 11 тысяч мігрантаў
Еўрапейская Камісія ўжо афіцыйна запатрабавала, каб Польшча прыняла дадаткова яшчэ звыш 9 тысяч уцекачоў. Разам з ранейшай еўразвязаўскай прапановай, агулам у Польшчу павінна прыехаць амаль 11,5 тысяч мігрантаў. Паводле новай прапановы Еўракамісіі, Польшча мае прыняць звыш тысячы ўцекачоў, якія цяпер знаходзяцца на тэрыторыі Італіі, амаль 4 тысячы – з Грэцыі і звыш 4 тысяч – з Вугоршчыны.
Кіраўнік Еўракамісіі Жан Клод Юнкер прадставіў сёння ў Еўрапарламенце ў Стразбургу план змагання з эміграцыйным крызісам. Ён прадугледжвае, каб ЕЗ прыняў яшчэ дадаткова 120 тысяч чалавек.
Паводле новага плана, Польшча мае стаць чацьвёртай краінай паводле колькасці прынятых уцекачоў з Паўночнай Афрыкі і Блізкага Усходу. Найбольш мігрантаў прымуць Нямеччына, Францыя і Іспанія.
Беларускае Радыё Рацыя
Фота kp.ua
Глядзіце таксама
