Польшча з суботы ўводзіць нацыянальны лакдаўн
Кіраўнік Міністэрства аховы здароўя Польшчы Адам Нядзельскі абвясціў аб увядзенні нацыянальнага лакдаўна па ўсёй краіне пачынаючы з суботы.
Лакдаўн уводзіцца ў сувязі са значным ростам заражэнняў па ўсёй краіне.
Плануецца, што абмежаванні будуць дзейнічаць да 9 красавіка. Па словах міністра, брытанскі варыянт каронавірусу выявілі ўжо ў 52% новых хворых.
Нядзельскі не выключыў, што, калі сітуацыя пагоршыцца, абмежаванні будуць больш жорсткімі да Вялікадня.
Урад Матэвуша Маравецкага вырашыў распаўсюдзіць абмежаванні, якія дзейнічалі ў чатырох ваяводствах, у тым ліку ў Варшаве, на ўсю тэрыторыю Польшчы. У прыватнасці, будуць зачыненыя гатэлі і месцы размяшчэння (акрамя тых, што прадастаўляюцца ў рамках дзелавых паездак).
Таксама зачыняюцца гандлёвыя цэнтры (за выключэннем прадуктовых крамаў, аптэк, шапікаў прэсы), кінатэатры, тэатры, канцэртныя залы, музеі, гарналыжныя трасы, басейны, аквапаркі, спортзалы, саўны, рэстараны, бары, тэнісныя корты і казіно. У Польшчы за апошнія суткі зарэгістравалі 25 052 новыя выпадкі каронавірусу, што з’яўляецца самым высокім паказчыкам з лістапада.
Беларускае Радыё Рацыя
Глядзіце таксама
