Польскі ўрад склікаў адмысловую камісію па фактах АЧС
Польшча змагаецца з Афрыканскай чумой свеней. Прэм’ер-міністр Беата Шыдло склікала адмысловую камісію, мэтай дзеянняў якой ёсць аналіз сацыяльны-эканамічных наступстваў, звязаных з выкрытымі ачагамі захворванняў АЧС на тэрыторыі Польшчы.
Падчас першага паседжання камісіі было прынятае рашэнне аб ўзмацненні кантролю за перамяшчэннем свіней і прадукатаў са свініны, а таксама месцаў іх продажу і абароту. Міністр сельскай гаспадаркі Кшыштаф Юргель таксама выказаўся за хутчэйшую рэдукцыю колькасці дзікоў. Міністар паведаміў таксама аб увядзенні абавязковага вэтэрынарнага пасведчання для свіней, а таксама штрафаў для асобаў, якія нелегальна перавозяць дзікоў.
У Польшчы выявілі 13-ць ачагоў захворванняў Афрыканскай чумой свіней, большасць з якіх – на Падляшшы. Апошняе захворванне было ўжо выяўлена ў Люблінскім ваяводстве.
У сувязі з выяўленымі захворваннямі жывёл АЧС на тэрыторыі Падляшскага ваяводства Беларусь мае намер увесці дадатковыя меры кантролю на памежных з Польшчай тэрыторыях, каб не дапусціць увоз у краіну з Польшчы жывых свіней, мяса свініны і прадуктаў яго перапрацоўкі. Абмежаванні тычацца не толькі свіней і іншых жывёл. Так, беларускае ведамства забараняе ўвозіць корм для котак і сабак, якія не прайшлі тэрмічную апрацоўку.
Беларускае Радыё Рацыя
Фота polradio.pl
