Польскія мытнікі выявілі рэкордную кантрабанду
Гэта была рэкордная кантрабанда цыгарэтаў, якую выявілі польскія мытнікі за апошнія некалькі гадоў. 450 тысяч пачак цыгарэтаў і беларускага кіроўцу затрымалі на польска-літоўскай мяжы.
Вартасць нелегальнага тавару – 5,5 мільёна злотых. Як сказаў прэс-сакратар мытнай службы ў Беластку Мацей Чарнэцкі, трыццацівасьмі гадовы беларус тлумачыў, што перавозіць груз паперы:
– Польскія мытнікі затрымалі грузавік з беларускімі нумарамі. Кіроўца сцвярджаў, што перавозіць груз паперы. Тое ж вынікала і з прадстаўленых мытнікам папераў. Аднак было вырашана праверыць груз, і аўтамабіль прасвяцілі рэнтгенам і правялі аглад. Аказалася, што замест паперы там знаходзяцца цыгарэты без акцызаў.
Цяпер мытнікі правяраюць адкуль паходзілі нелегальныя цыгарэты і дзе фактычна мелі патрапіць. Беларусу – кіроўцы фуры пагражае нават дзесяць гадоў пазбаўлення волі.
[Not a valid template]
Лукаш Леанюк, Беларускае Радыё Рацыя, Беласток
Фота аўтара
