Прадстаўнікі беларускіх музеяў завіталі ў Бельск Падляшскі
Госці наведалі Музей у Бельскай Ратушы, а таксама Друні Агульна-адукацыйны ліцэй імя Браніслава Тарашкевіча.
Сярод наведнікаў быў генеральны дырэктар Нацыянальнага музея ў Менску – Уладзімір Пракапцоў:
– Безумоўна, мы не маглі не прыехаць у Бельск-Падляшскі. Тут агульнаадукцыйны ліцэй з беларускай мовай навучання. Тут на працягу дзесяцігоддзяў не толькі вывучаецца і захоўваецца мова, але і беларуская нацыянальная культура.
Сяргей Вечар, дырэктар музя Валенція Ваньковіча ў Менску:
– Мы былі ўражаныя тым, што пабачылі тут. Працу музею ў Бельску Падляшскім у плане вывучэння, збірання падляшскіх ручнікоў.
Беларускі музей у Бельску атрымаў ад Нацыянальнага музея ў Беларусі кнігі, прысвечаныя беларускім мастаком.
Падчас візіту абмеркавалі таксама супрацоўніцтва Музея ў Бельскай Ратушы з менскімі музеямі на наступны год.
У планах – адкрыццё выставы падляшскага ручніка ў Менску, і выставаў беларускіх творцаў ў Бельску Падляшскім, а таксама мастацкія майстар-класы.
[Not a valid template]
Мацей Рацінеўскі, Беларускае Радыё Рацыя
