Працягваюцца спробы агрэсіўнага фарсіравання беларуска-польскай мяжы
9 сакавіка супрацоўнікі Падляшскага памежнага аддзела выявілі 69 спробаў незаконнага перасячэння мяжы з Беларусі ў Польшчу. Таксама было некалькі выпадкаў гвалтоўнага перасячэння мяжы.
На ўчастку памежнага паста ў Чаромсе польскія службы некалькі разоў падвяргаліся нападам з боку агрэсіўных груп замежнікаў. Затрымана 17 нелегальных мігрантаў (грамадзяне Ірака, Ірана і Конга). Аналагічныя падзеі адбыліся на ўчастках, якія ахоўваюцца памежнымі пастамі ў Кузніцы, Міхалове і Ліпску. Затрыманы грамадзяне Ірака, Йемена, Гвінеі і Егіпта.
Сёння пасля апоўночы было яшчэ дзве спробы вялікіх груп людзей фарсіраваць польска-беларускую мяжу. Іншаземцы сумесна з беларускімі службамі закідвалі камянямі і асляплялі польскія патрулі лазернымі промнямі. На ўчастку, які ахоўваецца пагранічным пастом у Чаромсе, затрымана група з 39 іншаземцаў (12 грамадзян Сірыі, 11 грамадзян Кубы, 8 грамадзян Турцыі, 5 грамадзян Ганы і 3 грамадзяніна Пакістана). У раёне пагранзаставы ў Мельніку затрымана група з 25 чалавек (16 грамадзян Сірыі, 7 грамадзян Кубы, грамадзяне Турцыі і Егіпта).
Фота: twitter.com/Straz_Graniczna
