Прэзентацыя новай кнігі Уладзіміра Арлова ў Варшаве
14 красавіка ў Беларускім Доме ў Варшаве адбудзецца прэзентацыя новай кнігі Уладзімера Арлова «Паручнік Пятровіч і прапаршчык Здань».
Дата: 14 красавіка
Час: 18.00 (час мясцовы)
Месца: Беларускі Дом, ul. Kryniczna 6, Варшава
Кніга «Паручнік Пятровіч і прапаршчык Здань» была выдадзена ў дзвюхмоўным варыянце ў 2021 годзе.
Чытаючы «Паручнік Пятровіч і прапаршчык Здань», мы здзяйсняем фантастычнае і займальнае падарожжа па гісторыі і сучаснасці.
Дзеянне балад адбываецца на працягу стагоддзяў, праз якія праходзіць цэлая пляяда гістарычных і сучасных асобаў — ад ката ў родным для аўтара Полацку, праз мастакоў Адраджэння з Падуі да сучасных украінскіх паэтаў.
Уладзімер Аляксеевіч Арлоў — беларускі гісторык і паэт, аўтар бестселераў «Краіна Беларусь», «Ордэн Белай Мышы», «Айчына: маляўнічая гісторыя. Ад Рагнеды да Касцюшкі», лаўрэат прэміі імя Ежы Гедройца за лепшую празаічную кнігу года «Танцы над горадам» (2017).
Для ўдзелу неабходна зарэгістравацца па спасылцы.
