Прэзідэнт Беластока прадставіў новы бюджэт
Прэзідэнт Тадэвуш Трускаляскі прадставіў новы бюджэт на 2018 год. На наступны год запланавана 297 інвестыцый. Самыя вялікія – гэта пабудова Трасы Незалежнасці за 230 мільёнаў, рамонт вуліцы Цыялкоўскага за 50 мільёнаў ды пабудова аэрадрома за 46 мільёнаў злотых. Таксама пачнецца пабудова Музея памяці Сібіры і гарадской спартыўнай залі. З’явяцца новыя роварныя сцежкі. Горад прызначыў на гэта 13 мільёнаў злотых.
Гэта рэкордны бюджэт у гісторыі Беластока, падкрэслівае Тадэвуш Трускаляскі:
– Гэты бюджэт упершыню ў гісторыі перавышае запланаваныя даходы, агулам перавышаем суму 2 млрд злотых. 2 млрд 96 мільёнаў – вялізнае перавышэнне, якое складае каля 11%.
На 10% павышыцца фінансаванне культурніцкіх праектаў з 36 да 40 мільёнаў. Расходы бюджэта на 2018 год складуць 2 мільярды 354 мільёнаў злотых. Гэта значыць, што дэфіцыт складзе 250 мільёнаў злотых. Галасаванне па прыняцці бюджэта абдудзецца на бліжэйшай сесіі рады горада напрыканцы лістапада.
Лукаш Леанюк, Беларускае Радыё Рацыя
Глядзіце таксама
