Праца пункту пропуску “Брузгі” адноўлена (абноўлена)
Праца пункта пропуску «Брузгі» на беларуска-польскай мяжы, нарэшце, адноўленая. Як мы паведамлялі раней, сёння ў сумежным пункце пропуску «Кузьніца» знайшлі бомбу часоў Другой сусветнай вайны. Афармленне транспарту было на некалькі гадзін паралізавана ў абодвух напрамках. На месцы небяспечнай знаходкі працавалі экстраныя службы. Беларускія памежнікі рэкамендавалі аўтамабілістам, якія едуць у Польшчу, па магчымасці, выбіраць альтэрнатыўныя маршруты руху.
Цяпер афармленне на выезд у Польшчу ў Брузгах адноўлена, паведамілі ў Дзяржаўным памежным камітэце Беларусі.
* * *
У пункце пропуску «Брузгі» прыпынена афармленне транспарту ў абодвух напрамках, паведаміў карэспандэнту БЕЛТА афіцыйны прадстаўнік Дзяржпагранкамітэта Антон Бычкоўскі.
«Паводле інфармацыі польскага боку, у пункце пропуску «Кузніца Беластоцкая» падчас яго рэканструкцыі была знойдзена бомба часоў Другой сусветнай вайны. Польскі бок спыніў афармленне як на ўезд, так і на выезд усіх відаў транспарту. Вядуцца мерапрыемствы па арганізацыі бяспекі. У сувязі з гэтым пункт пропуску «Брузгі» не функцыянуе да аднаўлення работы пункта пропуску на сумежнай баку», — распавёў Антон Бычкоўскі.
Ён парэкамендаваў беларусам, якія плануюць свае паездкі ў польскім напрамку, улічваць гэтую інфармацыю і пры магчымасці выбіраць іншыя пункты пропуску.
Фота Дзяржпагранкамітэта
Глядзіце таксама
