Сакольскі клуб аматараў кіно святкуе сваё 30-годдзе
Сакольскі дыскусійны клуб „Фантом” аматараў кіно святкуе сваё 30-годдзе.
Цягам трох дзён у кінатэатры „Сокал” можна паглядзець цікавыя фільмы ды сустрэцца з зоркамі польскага кіно, такімі як Кшыштаф Зануссі ці Роберт Вянцкевіч.
Як падкрэслівае старшыня клуба „Фантом” Крысціна Кастэра, сустрэчы карыстаюцца ў Саколцы вялікай папулярнасцю:
– Ладзім паказы фільмаў цікавых, інтрыгуючых. Апрача гэтага таксама стараемся запрашаць стваральнікаў гэтых фільмаў, а таксама акцёраў. Нашымі гасцямі былі выбітныя творцы польскага кіно, акцёры. Махіна кіно вырушыла і трывае да сёння.
Дыскусійны клуб „Фантом” дзейнічае з 1985 года пры Сакольскім асяродку культуры. Святкаванні 30-годдзя клуба завершацца ў нядзелю.
Уля Шубзда, Беларускае Радыё Рацыя
Фота аўтара
