Самы папулярны паасобнік “Нівы” – з самым справядлівым календаром
Сёлета каляндар прымеркаваны да юбілею ”Нівы”, якой спаўняецца 65 гадоў. Штотыднёвік беларускай меншасці ў Польшчы пачаў выходзіць у 1956 годзе.
З галоўным рэдактарам Яўгенам Вапам з гэтай нагоды размаўляе Міхал Андрасюк.
РР: Да юбілею выйшаў каляндар і, як мне падаецца, гэта не фотаздымкі на ім.
Яўген Вапа: Каляндар прыгожа аформлены шматгадовым нашым мастаком Міркам Здрайкоўскім. На ім на першай старонцы знаходзяцца тры галоўныя рэдактары “Нівы” – Георгій Валкавыцкі, Віталь Луба і Яўген Мірановіч. Мастак вырашыў крэатыўна папрацаваць і зрабіць шаржы галоўных рэдактараў. Думаю, што яму гэта ўдалося, атрымалася вельмі падобна.
Гэта такім чынам такое ўшанаванне, бо выдаваць “Ніву” з 1956 года на фоне розных палітычных зменаў і быць адказным за яе было нялёгкай справай. Таму мы і паказваем тых людзей, на якіх была такая адказнасць. А з іншага боку – мы паказваем і як выглядалі нашы чытачы з першых нумароў і да 70-80 х гадоў, з 90-х, калі ўваходзіў камп’ютар, на якім рабілася “Ніва” і да цяперашніх часоў, калі “Ніва” стала даступная ў інтэрнэце – е-niva.org. Нашы чытачы могуць чытаць “Ніву” на сучасных прыладах.
Я ўвогуле мару, калі б былі добрыя часы і тут, і ў Беларусі, пра выставу календароў Мірасалава Здрайкоўскага. Ён ужо шмат гадоў афармляе па-мастацку гэтыя календары.
РР: Акрамя імянінаў і канфесійных святаў, бачу таксама і важныя даты для беларускай гісторыі, напрыклад, і 25 сакавіка тут адзначана.
Яўген Вапа: Тут трэба заўважыць, што чытачы ў водгуках ужо даўно назвалі гэты каляндар самым справядлівым календаром на свеце.
Цалкам размову слухайце ў далучаным файле:
Беларускае Радыё Рацыя
Глядзіце таксама
