Страшны пажар пад Кіевам
Чатыры чалавекі загінулі, сгарэла некалькі пажарных машын. Такія наступствы пажара, які пачаўся яшчэ пазаўчора на нафтабазе ў Васількове, што непадалёк Кіева. Але пажар нарэшце лакалізаваны.
Больш падрабязна распавядзе наш украінскі карэспандэнт Марцін Война.
– Пажар на нафтабазе “БРСМ-нафта” у Васількове распачаўся яшчэ пазаўчора. Адначасна выбухнула каля 14 000 тон паліва. Полымя было такім гарачым, што пажарныя не змаглі адразу наблізіцца да месца катастрофы. Дым з Васількова можна было назіраць нават з некаторых кіеўскіх ускраін.
Пажар тушылі каля 300 пажарных і 50 адзінак тэхнікі. Сёння ўранку на нафтабазе прагучаў чарговы выбух. Але міністр унутраных спраў Арсен Авакаў запэўнівае, што агонь лакалізаваны.
Тым часам адсотак небяспечных рэчываў у кіеўскім паветры перавысіў усе дапушчальныя нормы. У некаторых раёнах рэкамендавалі насіць марлевыя маскі і не выходзіць без дай патрэбы на вуліцу.
Прычыны пажара, які прызнаны самым масштабным на Кіеўшчыне за апошнія 50 гадоў, пакуль невядомыя. У рэжымнай частцы нафтабазы сцвярджаюць, што за апошні месяц ахова колькі разоў знаходзіла на тэрыторыі выбухоўку, але ўлады абвяргаюць верагоднасць тэракта.
Odtwarzacz plików dźwiękowych
Марцін Война, Беларускае Радыё Рацыя, Украіна
Фота timer-odessa.net
Глядзіце таксама
