Святы Агонь дастаўлены ў Польшчу
Агонь у мітрапалітальны сабор св. Марыі Магдаліны ў Варшаве прывезлі ў праваслаўную Вялікую суботу (01.05), паведамляе wrotapodlasia.pl.
Там маршалак Артур Касіцкі і Адам Квяткоўскі, дзяржсакратар канцылярыі прэзідэнта Рэспублікі Польшча, перадалі яго кіраўніку Праваслаўнай Царквы, мітрапаліту Варшаўскаму і ўсяе Польшчы Саву. У гэтым годзе мясцовыя органы ўлады Падляшскага ваяводства чарговы раз дапамаглі данесці Святы Агонь у Польшчу.
Мітрапаліт падзякаваў уладам за дапамогу ў дастаўцы цудатворнага агню.
Адам Квяткоўскі падкрэсліў, што Польшча была адной з 11 дэлегацый, якія прыбылі ў Святую Зямлю па цудатворны агонь.
fot.: Mateusz Duchnowski
