„Сяброўская Бяседа” на Падляшшы
„Сяброўская Бяседа”, або Сяброўскае застолле ў Гарадку. XXIII Міжнародны фестываль „Сяброўская Бяседа” пройдзе 29 ліпеня ў амфітэатры на вадасховішчы ў Зарачанах.
Фестываль «Сяброўская бяседа» з’яўляецца адным з найважнейшых культурных мерапрыемстваў, якія прадстаўляюць культурную спадчыну рэгіёна і народную творчасць з галоўным акцэнтам на культуры беларускай нацыянальнай меншасці.
«Яшчэ раз запрашаю вас пачаставацца разам у гміну Гарадок. Сяброўская Бяседа — унікальнае мерапрыемства ў нашым краі. Спевы, музыка, танцы і сямейная атмасфера – усё гэта 29 ліпеня на беразе вадасховішча ў Зарачанах у гміне Гарадок, – кажа Магдалена Лотыш, дырэктар Гміннага цэнтра культуры ў Гарадку.
Фестываль носіць характар канцэрта, спалучанага з сумеснымі весялосцямі, у якіх удзельнічаюць выканаўцы і гледачы. Маецца на ўвазе традыцыйная, укаранёная ў славянскай культуры, сяброўская сустрэча, на якой не абмінуць музыку, спевы і танцы.
Сёлета падчас фестывалю выступяць фальклорныя калектывы з гміны Гарадок і госці: Harika&Narwa, Dawid Szymczuk Band, Souvenir, AS, Zołoto, Kalinka, Laliland, Weronika Ptaszyńska & Lamia, Exit, Czerwony Szpilki, Sisters Ostapczuk і капэла Server Dance. Сваё танцавальнае майстэрства прадставяць удзельнікі калектыву пад кіраўніцтвам Таварыства АБ-БА “Падляскі вянок” з Беластока. Цікавым акцэнтам стане таксама выступленне гурта “Podsybka Kurpiowska” з Łęg Przedmieście, які паспяхова культывуе традыцыі, звычаі і музыку курпеўскага краю.
Беларускае Радыё Рацыя
