“Сяброўская бяседа” прымала гасцей
У суботу ва ўрочышчы “Барык”, што каля Гарадка, прайшоў самы буйны беларускі фестываль “Сяброўская бяседа”.
Перад публікай выступіла каля трыццаці калектываў з Польшчы і Беларусі. Апрача фальклорных групаў, якія дзейнічаюць пры Гарадоцкім цэнтры культуры, на сцэне заспявалі таксама беларускія гурты з Чыжоў, Нарвы, Орлі і Беластока.
Наведвальнікаў фестывалю чакала таксама шмат калектываў з Беларусі. Як падкрэслівае арганізатар мерапрыемства, дырэктар Гарадоцкага цэнтра культуры Юрка Астапчук, „Сяброўская бяседа” – гэта гасцінны фэст для кожнага, хто любіць добрую забаву:
– Самая ідэя “Сяброўскай бяседы ” – паказаць гасцям фэтывалю, які беларусы гасцінныя. “Сяброўская бяседа ” – гэта вобраз цудоўнай хаты, у якую прыходзяць цудоўныя госці.
На наведвальнікаў фестываля чакаў таксама кірмаш народнага мастацтва і традыцыйны пачастунак. Галоўнай зоркай мерапрыемства быў гурт “Прымакі”.
[Not a valid template]
Уля Шубзда, Беларускае Радыё Рацыя
Глядзіце таксама
