Сярод адзначаных Ганаровымі адзнакамі Падляшскага ваяводства – Мікалай Бушко
Ганаровыя адзнакі Падляшскага ваяводства ўрачыста атрымалі пяць заслужаных асобаў рэгіёна.
Сярод адзначаных – дырэктар Міжнароднага фестывалю царкоўнай музыкі “Гайнаўка” Мікалай Бушко, якога адзначылі за добрую працу на міжнародным узроўні на карысць культуры Падляшскага ваяводства. Урачыстае мерапрыемства прайшло напярэдадні 11 лістапада падчас канцэрту “У люстры патрыятызму” у Падляшскім інстытуце культуры.
Кажа маршалак ваяводства – Артур Касіцкі:
– Могу толькі сказаць, што мы, як жыхары Падляшскага ваяводства, удзячныя за ўсё, што вы зрабілі, як вы прапагандавалі Падляшскае ваяводства, каб рэгіён развіваўся, каб быў яшчэ лепшым. І каб поспехі ваяводства маглі пачуць не толькі жыхары нашага ваяводства, не толькі жыхары усёй нашай краіны, але і ў цэлым свеце. Так, напрыклад, працуюць фестывалі. Маю надзею, што гэта толькі пачатак вашых спраў.
Маршалак Артур Касіцкі 10 лістапада ўручыў пяць Ганаровых адзнак Падляшскага ваяводства, якія ўручаюцца за агульную грамадскую, грамадзянскую і прафесійную дзейнасць людзям, якія ўнеслі выдатны ўклад у рэгіён. Нагрудныя знакі былі ўручаны напярэдадні Дня нацыянальнай незалежнасці падчас канцэрту «У люстэрку патрыятызму», арганізаванага Падляшскім інстытутам культуры.
Знакамі былі ўзнагароджаны:
Аліцыя Андрулевіч – дырэктар Сувальскага цэнтра культуры – за працу на карысць культуры ў Падляшскім ваяводстве;
Мікалай Бушко – дырэктар Міжнароднага фестывалю праваслаўнай музыкі „Гайнаўка” – за ўзорную працу для культуры Падляшскага ваяводства на міжнародным узроўні;
Эдвард Дэк – трэнер па плаванні і спартыўны актывіст – за папулярызацыю і развіццё фізічнай культуры ў Падляшскім ваяводстве;
Уладзіслаў Тоцкі – галоўны рэдактар Tygodnik Podlaski „Kontakty” – за выдатную працу па развіцці паветранага спорту ў Падляшскім ваяводстве і папулярызацыю рэгіёна;
Пётр Нізёлэк – куратар Гістарычнага музея ў Беластоку – за прапаганду Падляшскага музея.
Беларускае Радыё Рацыя
