“Там, дзе пераплятаюцца культуры” – выстава ў Беластоку
У Беластоку адкрылася выстава «Там, дзе пераплятаюцца культуры». Студэнты трэцяга курса архітэктуры Беластоцкай палітэхнікі прадставілі вынікі этнаграфічных і архітэктурных даследаванняў, праведзеных восенню 2019 года ў гміне Сухаволя.
Сабраная дакументацыя змяшчае серыю фотаздымкаў аб’ектаў культурнай каштоўнасці, архітэктурныя малюнкі дамоў, макеты, а таксама запісаныя фрагменты размоў з жыхарамі гміны і іх успаміны.
Выстава адкрылася ў Падляшскай рэгіянальнай турыстычнай арганізацыі, якая ўжо пачала працаваць, кажа віцэ-канцлер Беластоцкай палітэхнікі, доктар Міраслаў Рэчко:
– Рады таму, што акурат Сухаволя – цэнтр Еўропы, сталася тым першым месцам, якое тут віртуальна будзем аглядаць. У нашым ваяводстве ёсць 40 мястэчак. І Сухаволя сярод іх выдзяляецца пэўнымі рэчамі, і мае таксама шмат агульных рысаў. Сапраўды, наша мястэчка шматкультурнае.
Кажа бургамістр Міхал Матыскель:
У Сухаволі шмат такіх каштоўных месцаў. Сам горад з жыдоўскай пабудовай, былая сінагога, школа ў цэнтры. Гістарычныя камяніцы і дамы міжваеннага перыяду. У самой гміне ёсць шматлікая драўляная архітэктура.
Выстава паказвае культурныя, этнаграфічныя і архітэктурныя асаблівасці гміны Сухаволя. Выставу можна будзе наведваць да 21 лютага.
Уля Шубзда, Беларускае Радыё Рацыя
Глядзіце таксама
