Тэатральна-краязнаўчыя вечарыны на Арляншчыне
У вёсцы Топчыкалы, што ў Арлянскай гміне, прайшла тэатральна-краязнаўчая вечарына. Наладзілі яе супольна Гмінны асяродак культуры ў Орлі і сябры рэгіянальнага гуртка, які дзейнічае пры Комплексе школ у Орлі.
Сустрэчу пачаў калектыў “Арляне”, які паказаў сцэнку “Уваходзіны”. Затым прадставілі вынікі праектаў “Ах, што то быў за шлюб!” ды “Лічбавы архіў лакальнай традыцыі” – кажа Альжбета Цюлькевіч з Комплексу школ у Орлі:
– Мы, настаўнікі арлянскай школы, запісваем вусныя аповеды жыхароў ваколіц пра іхнае жыццё, таксама мы збіраем фотаздымкі, пасля іх скануем, робім лічбавы архіў.
Чарговая сустрэча плануецца ў вёсцы Пашкоўшчына. Праекты працягваюцца надалей, а самыя старыя і цікавыя здымкі жыхароў Арлянскай гміны можна таксама пабачыць на сайце www.orla.archiwum.org.
[Not a valid template]
Давід Гайко, Беларускае Радыё Рацыя, Орля
Фота аўтара
