Тэрарыстычны акт у Харкаве
Уначы ў двары аднаго з дамоў адбыўся моцны выбух. Невядомыя знішчылі пазашляхавік, які выкарыстоўваўся ў АТО.
Паведамляе наш карэспандэнт Марцін Война:
– Выбух прагрымеў а 5-й раніцы ў адным з Харкаўскіх мікрараёнаў і быў такі моцны, што ў навакольных дамах павыляталі шыбы. У выніку знішчаны пазашляхавік, які выкарыстоўваўся ў антытэрарыстычнай аперацыі. На шчасце, а ні загіблых, а ні параненых няма. Гэта ўжо не першы выбух у Харкаве. Найбольш рэзанансны тэракт адбыўся 22 лютага, у выніку 4 чалавекі былі забітыя, 10 – параненыя. Сярод гучных здарэнняў апошняга месяца – падрыў аўтамабіля валанцёраў, стэлы з дзяржаўным сцягам і джыпа камандзіра батальёна “Слабажаншчына”. Паводле кіраўніцтва службы бяспекі Украіны, харкаўскія тэракты з’яўляюцца лагічным працягам гібрыднай вайны, якую супраць Украіны вядзе Расейская Федэрацыя. Мэта – запалохаць грамадзянаў і здэскрыдытаваць украінскія ўлады.
З прычыны блізкасці да зоны антытэрарыстычнай аперацыі і пагрозы новых тэрактаў, горад пераведзены на ўзмоцнены рэжым патрулявання. Да 10-га траўня забаронены ўсе неафіцыйныя мітынгі, шэсці ды іншыя масавыя мерапрыемствы.
Беларускае Радыё Рацыя, Україна
Фота gordonua.com
Глядзіце таксама
