Ці з’явіцца ў Беластоку беларускі клуб гістарычнай рэканструкцыі?
Падчас мерапрыемстваў, якія ладзіліся беларусамі ў Беластоку з нагоды 160-годдзя паўстання 1863 года, былі выкарыстаны гістарычныя паўстанцкія строі, пашытыя ўласнаручна.
У вядучых мерапрыемстваў Васіля Калача і Кацярыны Ваданосавай нарадзілася ідэя стварыць у Беластоку беларускі клуб гістарычнай рэканструкцыі:
– Нам трэба ствараць сваю базу, рэканструяваць паўстанцаў. Калі мы будзем залежыць ад кагосьці, то што з гэтага атрымаецца? Ёсць розныя беларускія суполкі – дыяспара і беларусы Падляшша, але пакуль гэта толькі ідэя – стварэнне клубу па рэканструкцыі.
– Хлопцы вельмі любяць, займацца рэканструкцыяй гістарычнай зброі, фехтавання. Прэрагатывай дзяўчат часцей за ўсё застаецца стварэнне розных строяў.
З прапановамі датычнымі стварэння беларускага клубу гістарычнай рэканструкцыі ў Беластоку можна звяртацца да Кацярыны Ваданосавай і Васіля Калача. Іх творчы звяз нядаўна прэзентаваў музычны кліп да 160-годдзя паўстання 1863 года, які быў зняты на Падляшшы.
Беларускае Радыё Рацыя
