Ціханоўская, Латушка і Кавалькова сустрэліся з беларусамі Варшавы
Пры наведванні Польшчы з рабочым візітам Святлана Ціханоўская сумесна з сябрамі Каардынацыйнай Рады Паўлам Латушкам, Вольгай Кавальковай і старшынёй дэпутацкай групы польскага Сейму Робертам Тышкевічам сустрэліся з беларусамі Варшавы. Акцыя прайшла на пляцы Замкавым, дзе сабраліся сотні беларусаў.
У сваім выступленні Павел Латушка прызваў людзей да дзейнасці:
– Мы будзем патрабаваць ад нелегітымнай улады адкрыць пункты пропуску, зачыненыя яшчэ ў мінулым годзе.
Вольга Кавалькова:
– Тое, што адбываецца, гэта вынік пазіцыі Еўрапейскага звязу, Злучаных Штатаў Амерыкі да таталітарных краін. Трэба глабальна мяняць падыход да тых краін, якія жорстка рэпрэсіямі падаўляюць палітычныя меркаванні.
Роберт Тышкевіч:
– Адчувайце сябе ў Польшчы, як дома, разам перажывем дзень перамогі.
Святлана Ціханоўская:
– Вы прыйшлі да мяне, але вы прыйшлі адзін да аднаго. У нас усё атрымаецца, бо мы разам.
Цалкам рэпартаж слухайце ў далучаным файле:
Святлана Ціханоўская прызвала беларусаў пісаць пісьмы палітзняволеным. Пасля акцыі беларусы пайшлі вялікай калонай з плошчы. Над калонай луналі бел-чырвона-белыя сцягі.
Беларускае Радыё Рацыя
