Цыгарэты замест цвікоў. Выкрыта буйная партыя кантрабанды
Супрацоўнікі Дзяржаўнай падатковай адміністрацыі з польска-беларускага памежнага пераходу ў Кузніцы агледзелі грузавік, які па дакументах павінен быў перавозіць груз цвікоў.
Падчас дэталёвага агляду грузавіка, якому папярэднічала праверка рэнтгенам, высветлілася, што ў прычэпе замест заяўленага тавару былі кантрабандныя цыгарэты.
У грузавіку, якім кіраваў 45-гадовы беларус, супрацоўнікі выявілі 650 тысяч пачак цыгарэт на суму больш за 9,5 мільёнаў злотых. Калі б яны трапілі на рынак, страты дзяржаўнай казны маглі б скласці 15 мільёнаў злотых.
У дачыненні да беларускага кіроўцы грузавіка пачата расследаванне. Аляксандра С., часова арыштаваны на 3 месяцы. За такую вялікую колькасць кантрабанды яго могуць пазбавіць волі на тэрмін да 10 гадоў.
